Futbollisti i Barcelonës, Lamine Yamal, është përballur me kritika pas festës së tij të 18-vjetorit më 12 korrik, ku raportohet se janë angazhuar persona me nanizëm për argëtim, një veprim që shoqata spanjolle për të drejtat e personave me aftësi të kufizuara e ka dënuar si diskriminues.
Për këtë arsye, është nisur një hetim ndaj futbollistit.
Shoqata ADEE thekson se përdorimi i personave me nanizëm për argëtim në festa private përforcon stereotipa negative dhe cënon dinjitetin dhe të drejtat e tyre. Presidentja Carolina Puente deklaroi se “është e papranueshme që në shekullin 21 njerëzit me nanizëm të përdoren si argëtim, sidomos kur përfshihen figura publike.”
Ligji spanjoll ndalon çdo aktivitet që shfrytëzon personat me aftësi të kufizuara për qëllime talljeje apo cënimi të dinjitetit.
Yamal, i cili ishte një prej protagonistëve në fitoret e Spanjës në Kampionatin Europian dhe sezonit me Barcelonën, publikoi në Instagram një video nga festa ku shfaqeshin lojtarët Gavi dhe Lewandowski, por pa prezencën e personave me akondroplazi.
/vizionplus.tv
