Tre nga katër fëmijët e tyre do të verbohen nga retiniti pigmentoz, një çrregullim i rrallë gjenetik që shkakton humbje ose rënie të shikimit.
Kështu, një çift prindërish kanadezë, Edith Lemay dhe Sebastien Pelletier, të martuar për 12 vjet, vendosën të planifikojnë dhe të nisin një udhëtim njëvjeçar nëpër botë për të lënë përshtypje kujtimesh vizuale përpara se fëmijët per fat te keq të mos shohin më.
Familja e madhe, e cila ishte detyruar të shtynte udhetimin e gjate për shkak të pandemisë, u largua nga Montreali marsin e kaluar, duke nisur udhëtimin nga Namibia, mes elefantëve, zebrave dhe gjirafave. Më pas ndaluan në Zambia dhe Tanzani, përpara se të fluturonin për në Turqi, Mongoli dhe Indonezi.
Vajza e tyre e parë, Mia, ishte vetëm tre vjeç kur prindërit e saj vunë re për herë të parë se ajo kishte probleme me shikimin. Disa vite pas vizitës së parë, vajza u diagnostikua me retin pigmentoz. Ndërkohë mamaja dhe babai kuptuan se dy fëmijë të tjerë më të vegjël, Colin, i cili tani është shtatë vjeç dhe Laurent, i cili është pesë vjeç, gjithashtu kishin të njëjtat simptoma.
Frika e tyre u konfirmua në vitin 2019, kur mbërriti një diagnozë identike me Mia-n. Sëmundja e kurseu Leon, i cili tani është nëntë vjeç.
“Nuk mund të bëjmë asgjë”, tha Lemay për CNN, duke shpjeguar se aktualisht nuk ka kura apo trajtime efektive për të ngadalësuar përparimin e retinitit pigmentoz.
“Ne nuk e dimë se sa shpejt do të përparojë,” shtoi ai.
Kur specialisti që vizitoi Mia-n i sugjeroi çiftit që ajo të thithte “kujtime vizuale”, Lemay kuptoi se kishte vetëm një mënyrë për ta ndihmuar atë dhe vëllezërit. “Mendova se nuk do t’i tregoja një elefant në një libër, por do ta çoja për të parë një të vërtetë”, tha ai, duke i propozuar që “ta mbushte kujtesën vizuale me imazhet më të bukura të mundshme”.
Kështu ajo dhe i shoqi filluan të planifikonin udhëtimin, duke perdorur kursimet e tyre, të ndihmuar edhe nga shitja e kompanisë për të cilën punonte Pelletier dhe në të cilën ai kishte aksione.
Rrugës, ata moren një listë dëshirash nga fëmijët: Mia, për shembull, donte të hipte në kalë, ndërsa Laurent donte të pinte lëng në shpinën e një deveje.
Ata kanë ruajtur tashmë shumë kujtime./Tgcom
