Trajneri i kombëtares shqiptare Silvinjo ka vlerësuar maksimalisht skuadrën, ndërsa ka folur në veçanti për Mitajn dhe Dakun pas pyetjes së gazetarit rus.
I pyetur nëse Mitaj dhe Daku duhet të largohen nga kampionati rus për tu përmirësuar më tej, Sivlinjo tha se të dy janë shumë të fortë, dhe mund të përmirësuajnë dhe luajnë në çdo ligë europiane.
“Daku është një lojtarë shumë i mirë, liga ruse mund ta forcojë më shumë. Mitaj është ende i ri, por është përmirësuar shumë. Ka bërë një punë shumë të mirë. Ai ka patur 10 ndeshje deri tani, por ka dhënë shumë. Më pëlqejnë që të dy, dhe ata mund të përmirësohen shumë që të dy në Rusi dhe gjithë andej nëpër botë”, tha Silvinjo.
