Mira Konçi dhe Shpëtim Saraçi kanë qenë për vite me radhë një nga dyshet më të suksesshme artistike në Shqipëri, bashkëpunim që u shndërrua edhe në histori dashurie, duke sjellë në jetë Erën dhe Drinin.
Por pas zhvendosjes së familjes në SHBA në vitin 2017, për arsye studimesh dhe shëndeti, rrjedha e jetës solli ndryshime: fëmijët dhe Mira mbetën në Amerikë, ndërsa Shpëtimi vijoi karrierën në Shqipëri.
E ftuar në emisionin “Mes’dritë” në Vizion Plus, Mira Konçi ka folur hapur për raportin me Saraçni, duke u ndalur te bashkëprindërimi dhe respekti që, sipas saj, vazhdon të ekzistojë mes tyre.
Artistja u shpreh se nuk mërzitet kur pyetet për të, pasi ai është një pjesë e rëndësishme e jetës së saj, si në planin personal ashtu edhe në atë profesional.
“Nuk kam pse të mërzitem kur më pyesin. Është pjesë e jetës sime. Ne jemi njerëz dhe duhet të respektojmë njëri-tjetrin, sidomos kur kemi fëmijë në mes. Edhe pas ndarjes, respekti ka qenë dhe mbetet. E rëndësishme është që të ruash dinjitetin dhe respektin, sidomos kur ke ndarë një pjesë kaq të madhe të jetës dhe të karrierës me një person. Sa i përket prindërimit, po, kam marrë shumë përgjegjësi mbi vete. Shpëtimi ka qenë gjithmonë shumë i angazhuar me punë dhe natyrshëm gjërat u ndanë në këtë mënyrë. Nuk ishte diçka e prerë me thikë, thjesht erdhi spontanisht. Unë jam natyrë që i marr gjërat përsipër dhe mundohem t’i bëj në mënyrën më të mirë të mundshme,” tha Mira Konçi.
/vizionplus.tv
