Përgjegjësja e programit të vaksinimit në Institutin e Shëndetit Publik, Erida Nelaj deklaroi për “Vizion Plus” se deri tani nuk janë shënuar raste me efekte anësore tek të vaksinuarit. Gjatë një interviste për edicionin qendror të lajmeve, Nelaj u shpreh se procesi i vaksinimit po ecën shumë mirë. Ajo bëri me dije se përveç doktorit Pëllumb Pipero, janë infektuar edhe dy mjekë të tjerë pas marrjes së dozës së parë.

 

“Procesi ka ecur shumë mirë, vazhdojmë me pikat në Tiranë, në Shkodër, në Vlorë edhe në Elbasan. Procesi është i qetë, është personel shëndetësor që e di rëndësinë e vaksinimit. Normalisht kemi strategjinë tonë: personeli shëndetësor dhe të moshuarit. Po mendojmë të fillojmë me vaksina paralele edhe me të moshuarit, por nuk mund të fillojmë njëherazi edhe aty. Normalisht komplikacione pas vaksinimit nuk kemi patur, as efekte anësore madhore, përveç atyre normale, si dhimbja në vendin e injeksionit, dhimbje koke. Dy mjekë, njëri pothuajse pa simptoma, dhe doktor Pipero janë infektuar pas dozës së parë.”

 

Erida Nelaj sqaroi se ata që janë infektuar qysh në fillim të pandemisë deri në shtator-tetor, duhet ta marrin vaksinën. Ndërsa për ata që janë infektuar rishtazi, ekspertja tha se mund të presin edhe tre muaj.

 

 

Leave a Reply

Your email address will not be published. Required fields are marked *