Centrali bërthamor i Zaporizhias mund të rikthehej në një Cernobil të dytë. Gjashtë reaktorë të centralit u shkëputën për disa orë nga energjia elektrike duke rrezikuar mosftohjen e reaktorëve dhe për pasojë çlirimin e rrezatimit.

 

Kompania shtetërore bërthamore e Ukrainës, tha se vetë termocentrali po furnizohej me energji përmes një linje nga sistemi elektrik i Ukrainës dhe se puna ishte në vazhdim për të rivendosur lidhjen e rrjetit me dy reaktorët funksionalë të centralit.

 

Presidenti ukrainas Volodymyr Zelensky u shpreh se u shmang një fatkeqësi. Ndërprerja ndodhi për shkak të bombardimeve ruse në zonë, akuza që Moska i mohoi.

 

VOLODYMYR ZELENSKY

 

PRESIDENTI UKRAINAS

 

Nëse gjeneratorët me naftë nuk do të ishin ndezur, nëse stafi ynë i stacionit nuk do të kishte reaguar pas ndërprerjes së energjisë, atëherë ne do të ishim të detyruar të përballeshim me pasojat e një rrezatimi. Rusia i ka vënë Ukrainën dhe të gjithë evropianët një hap larg një katastrofe nga rrezatimi.

 

Një mision nga Agjencia Ndërkombëtare e Energjisë Bërthamore e OKB-së pritet të vizitojë termocentralin bërthamor të Zaporizhzhia javën e ardhshme.

 

Dëmtimi nga zjarri i një linje transmetimi në centralin bërthamor më të madh të Evropës shkaktoi një ndërprerje të energjisë në të gjithë rajonin të enjten dhe rriti frikën për një përsëritje të katastrofës së Çernobilit.

Leave a Reply

Your email address will not be published.