Ka ndërruar jetë në spitalin Ushtarak të Tiranës, 40-vjeçari Arben Kanaçi, i cili u aksidentua këtë të enjte përgjatë aksit nacional Kombinat-Dimal.
Mësohet se 40-vjeçari qëndroi në terapi intensive për 5 ditë me radhë, por nuk reagoi për asnjë moment. Ai kishte marrë goditje të shumta në kokë dhe nuk mundi dot t’i mbijetojë plagëve të marra.
Aksidenti i rëndë ndodhi në dalje të qytetit të Beratit,në një karburant përballë Doganës. 40-vjeçari u aksidentua mbrëmjen e 11 marsit nga një kamionçinë. Drejtuesi i mjetit u largua nga vendi i ngjarjes. Pas konstatimit të rastit, uniformat blu u vunë në ndjekje të Artan Eskiut, drejtuesi i mjetit dhe arritën që ta vinin në pranga.
