Një 21-vjeçar i shpallur në kërkim është arrestuar nga Policia e Lushnjës, në kuadër të operacioneve për kapjen e personave në kërkim. Në pranga ka rënë shtetasi Marlind Sulo, banues në Lushnjë.
Sipas Policisë, i riu ishte shpallur në kërkim pas një ngjarjeje të ndodhur më 21 mars 2026, në një lokal në lagjen “Xhevdet Nepravishta”, ku gjatë kontrollit iu gjet dhe sekuestrua një armë zjarri pistoletë në xhupin e tij. Në momentin e ndërhyrjes së efektivëve, ai nuk ndodhej në vendngjarje.
Gjatë kontrollit të ushtruar në banesën e tij, shërbimet e Policisë kanë gjetur edhe municion luftarak, duke rënduar më tej pozitat e tij ligjore.
Në vijim të hetimeve për këtë rast, në të njëjtën ditë janë arrestuar edhe 5 shtetas të tjerë që ndodheshin në lokal me të riun, për veprën penale “moskallëzim krimi”.
Materialet procedurale i janë referuar Prokurorisë së Fierit për veprime të mëtejshme.
/vizionplus.tv
