Eduard Vushaj, 39-vjeç, i dënuar nga autoritetet shqiptare me 16 vite burg për vjedhje me armë, është arrestuar këtë të diel në Greqi.
Sipas policisë, në vitin 2016, Gjykata e Shkodrës e ka dënuar Vushajn me 16 vjet burgim, për veprën penale “Vjedhja me armë”, pasi në vitin 2013, në fshatin Grabom, ai në bashkëpunim me një tjetër, ka ndaluar automjetin me të cilin lëviznin 2 shtetas dhe duke i kanosur me armë u ka marrë paratë dhe automjetin si dhe i ka plagosur të dy me mjet prerës.
Shqiptari është vënë në pranga nga policia greke për llogari të autoriteteve shqiptare, ndërsa pritet ekstradimi i tij drejt vendit tonë.
“Si rezultat i informacionit të siguruar nga Fast Albania dhe DVP Shkodër si dhe shkëmbimit të këtij informacioni nëpërmjet Interpol Tiranës me homologët në Athinë, u finalizua operacioni “Kartela e kuqe”.
Në kuadër të operacionit, Policia greke lokalizoi, kapi dhe arrestoi provizorisht me qellim ekstradimi shtetasin Eduard Vushaj, 39 vjeç.
Në vitin 2016, Gjykata e Shkodrës e ka dënuar me 16 vjet burgim, për veprën penale “Vjedhja me armë”, sepse në vitin 2013, në fshatin Grabom, ky shtetas në bashkëpunim me një shtetas tjetër, ka ndaluar automjetin me të cilin lëviznin 2 shtetas dhe duke i kanosur me armë u ka marrë paratë dhe automjetin si dhe i ka plagosur të dy me mjet prerës (thikë).
Vijon bashkëpunimi ndërmjet Interpol Tiranës dhe Interpol Athinës, për ekstradimin e 39-vjeçarit, në Shqipëri”, njofton policia.
/vizionplus.tv
