EMRI-FOTO/ Vritet shqiptari në Itali, u qëllua në sy të të birit në oborrin e shtëpisë

Një shqiptar është vrarë mbrëmjen e së dielës rreth orës 21:00 në fshatin Oratoio, në periferi të Pizës në Itali.

Mediat italiane shkruajnë se në prag të festës së Madonna del Rosario, në fshat u dëgjuan disa të shtëna armësh, të paktën gjashtë sipas disa dëshmitarëve.

Lexo edhe :

Related Posts

Atentati ndaj 37-vjeçarit shqiptar në Itali, plumbi në kokë që i mori jetën, autorët e ndoqën deri te dera e shtëpisë

Si ndodhi atentati ndaj shqiptarit në Itali, trupi u gjet nga bashkëshortja dhe djali, pistat e hetimit

Shqiptari i vrarë është Beni Arshiaj, 37 vjeç, i cili është qëlluar në sy të të birit, në oborrin e shtëpisë së tij. Duket se pas zhurmës së të shtënave disa fqinjë kanë vënë re dy persona që po largoheshin me një skuter. Policia mbërriti në vendngjarje, ndërsa policia bashkiake mbylli aksesin në rrugë.

37-vjecari shqiptar sapo ishte kthyer në shtëpi dhe kishte parkuar furgonin e tij kur u vra. Automjeti ishte ende në lëvizje kur mbërriti policia, të cilës iu besuan hetimet e koordinuara nga zv/prokurori Egidio Celano. Në vendngjarje u gjetën pesë gëzhoja pistolete të kalibrit 22, por vetëm një plumb goditi objektivin, një e shtënë fatale në tëmth. /vizionplus.tv