Një 41-vjeçar në Tiranë ka rënë në prangat e policisë pasi është kapur me armë zjarri, municion luftarak si dhe disa emblema policie.
Sipas asaj që bëjnë të ditur uniformat blu, gjatë operacionit në Rrugën e Dibrës, shërbimet e Policisë kanë ndaluar automjetin me drejtuesin Saimir Allmuça ku gjatë kontrollit të automjetit, iu gjet e iu sekuestrua një armë e ftohtë(thikë).
Ndërkohë më tej gjatë kontrollit në banesën e këtij shtetasi, shërbimet e Policisë, gjetën e sekuestruan 2 armë zjarri(pistoletë dhe pushkë), 1 armë sportive, 1 armë e ftohtë, municion luftarak dhe emblema policie.
/vizionplus.tv
