Emrat-Zbulohet një depo për modifikim armësh në Tiranë, arrestohen dy persona
Kjo është shtëpia që 30-vjeçari Ervis Bakalli dhe 45-vjeçari, Dorian Kalo e kishin përshtatur për të prodhuar armë me silenciatorë dhe municione luftarake.
Gjatë operacionit forcat e policisë gjetën armë të llojeve të ndryshme.
LORENC PANGANIKA
DREJTOR I POLICISE, TIRANE
Në automjetin që përdorej nga Ervis Bakalli janë gjetur tetë pistoleta, tre automatikë, katër gjurmues, pjesë të ndryshme armësh dhe makineri që shërbenin për modifikimin e armëve të zjarrit, një sasi parash dhe një automjet.
Policia ka dyshime të forta se këto armë janë përdorur nga persona me të shkuar të errët kriminale.
LORENC PANGANIKA
DREJTOR I POLICISE, TIRANE
Armët siguroheshin nga persona me të shkuar kriminale dhe shiteshin për kryerjen e veprave penale kundër personit.\
Policia thekson se aksesorët për modifikimin e armëve dhe silenciatorëve vijnë në rrugë ilegale, nga jashtë vendit. Ndërkohë po punohet për të zbardhur të gjitha pistat dhe personat e përfshirë në këtë rrjet kriminal.




