Policia e Vlorës ka finalizuar me sukses operacionin policor të koduar “Duo”, duke goditur një tjetër rast të armëmbajtjes pa leje. Babë e bir janë arrestuar në flagrancë pasi në banesën e tyre u gjetën armë zjarri dhe municion luftarak.
Të arrestuarit janë Bledar Kristo 49 vjeç, me precedent penal për armëmbajtje pa leje, dhe Kreshnik Kristo 21 vjeç, banues në fshatin Mifol, Vlorë. Gjatë kontrollit të ushtruar në banesën e tyre, shërbimet e Policisë sekuestruan 1 armë zjarri automatike me fishek në fole gati për qitje, 1 krehër me municion, rreth 200 gëzhoja, si dhe 1 armë të ftohtë (thikë).
Operacioni u zhvillua në bazë të informacioneve të siguruara nga inteligjenca informative, me qëllim parandalimin e ngjarjeve të rënda kriminale që mund të vinin nga përdorimi i armëve pa leje.
Materialet procedurale i janë referuar Prokurorisë së Vlorës, e cila po vijon hetimet për rastin.
/vizionplus.tv
