EMRAT/ E rëndë, 26-vjeçari shqiptar vritet me thikë nga kushëriri i tij në Britani

Një ngjarje e rëndë me protagonistë dy shqiptarë ka ndodhur ditën e premte në 29 gusht në Leeds në Britaninë e Madhe.

Mediat britanike raportojnë se Elsiado Marku, 26 vjeç, u godit për vdekje me thikë nga kushëriri i tij, Eljon Markaj, 31 vjeç.

Sipas mediave konflikti mes tyre ndodhi pak para orës 16:30 të premten, më 29 gusht.

Elsiado Marku u shpall i vdekur menjëherë në vendngjarje, ndërsa autoritetet britanike arrestuan kushëririn e tij, Eljon Markaj.

Ndërkohë mediat britanike raportojnë se Marku, është lënë në paraburgim dhe pritet të paraqitet para Gjykatës së Magjistraturës së Leeds.