Emergjencë në fluturimin Londër–Tiranë, avioni kthehet mbrapsht
Një avion nisur nga aeroporti i Lutonit në Londër me destinacion Tiranën, nuk ka mbërritur sipas parashikimit, pasi gjatë fluturimit ka devijuar drejt Mynihut dhe më pas është kthyer mbrapsht në Londër.
Fluturimi, që pritej të ulej në Rinas në orën 10:55, është detyruar të ndryshojë kursin pasi pesë pasagjerë janë ndjerë papritur keq dhe kanë humbur ndjenjat. Pas njoftimit të ekuipazhit, piloti ka vendosur të rikthehet në Londër, duke qenë pika më e afërt për ndihmë mjekësore.
Avioni është ulur në aeroportin e Lutonit, ku pesë ambulanca kanë pritur në pistë pasagjerët e sëmurë. Ende nuk dihet shkaku i gjendjes së tyre.
Ndërkohë, pasagjerët e tjerë pritet të nisen drejt Tiranës më vonë, duke shkaktuar vonesa edhe për fluturimin e kthimit nga Tirana drejt Londrës.
/vizionplus.tv
