Elton John, këngëtari i njohur britanik, përballet me një problem serioz shëndetësor, por nuk ka humbur shpresën se shkenca një ditë do ta ndihmojë të rikuperojë shikimin. 78-vjeçari humbi vitin e kaluar shikimin nga syri i djathtë pas një infeksioni.
“Ishte katastrofike,” tha Elton John për Variety. “Sepse humba syrin e djathtë, dhe syri i majtë nuk është shumë i mirë, për 15 muajt e fundit gjërat kanë qenë shumë të vështira për mua. Nuk mund të shihja asgjë, nuk mund të ndiqja asgjë, nuk mund të lexoja asgjë,” shtoi ai, duke përshkruar vështirësitë e përditshme që po përballet.
Këngëtari mori infeksionin gjatë pushimeve në Francën e Jugut verën e kaluar. Megjithëse u prekën të dy sytë, shikimi i djathtë u humb plotësisht.
Pavarësisht kufizimeve të shikimit, Elton John nuk ka hequr dorë nga shpresa për rimëkëmbje.
“Kam jetuar një jetë të jashtëzakonshme dhe ka shpresë. Thjesht duhet të jem i durueshëm, sepse një ditë shkenca do të më ndihmojë. Kur të ndodhë kjo, gjithçka do të jetë në rregull,” tha ai.
Elton John reveals why he isn’t ‘giving up hope’ after ‘devastating’ loss of sight in right eye https://t.co/2TgF7Q5dsg pic.twitter.com/YloWDE0FNM
— New York Post (@nypost) November 26, 2025
Ai përfundoi me një mesazh frymëzues: “Nuk duhet të humbasësh shpresën, duhet të jesh i fortë dhe gjithmonë të përpiqesh të përmirësosh gjërat.”
/vizionplus.tv
