Policia e Krujës ka shoqëruar sërish në komisariat Valter Bamin, për tu marrë në pyetje lidhur me ekzekutimin e mbrëmjes së sotme në banesën e tij në Larushk të Gentjan Bejtjas.
Valter Bami ishte një nga të arrestuari për ngjarjen e 4 korrikut të viti të shkuar pas atentatit që ju bë Gentjan Bejtjas, ku mbeti i vrarë kunati i tij Ramazan Sino dhe mbetën të plagosur dy fëmijët e vegjël.
Lexo edhe :
Related Posts
Kujtojmë që Valter Bami u arrestua në 6 korrik të viti të shkuar dhe u mbajt në burg deri në 18 janar të këtij viti, por gjykata vendosi ndaj tij masën arrest në shtëpi, pasi ka përfundoi afati 6 mujor i hetimeve dhe nuk u provuan dot dyshimet për implikim në atentatin ndaj Gentjan Bejtjas.
Valter Bami, u arrestua me 6 korrik 2023 për armëmbajtje pa leje dhe si i dyshuar për atentatin ndaj Bejtjas pasi sipas prokurorisë në dorën e majtë të tij, i ishte gjetur një grimcë baruti.
Sa i takon armës, në gjykatë ai pretendoi se ishte armë sportive të cilën e kishte marrë me leje dhe se e mbante që prej datës 20 tetor 2020, duke mohuar të kishte lidhje me atentatin.
Ndërkohë që ditën e sotme u ekzekutua në një magazinë në banesën e tij Gentjan bejtja, edhe ky i shpallur në kërkim pas ngjarjes së 4 korrikut të një viti më parë.
Pas ngjarjes, policia gjeti një makinë të djegur në fshatin Hasan, dhe brenda mjetit u gjetën edhe katër kallashnikovë./vizionplus.tv
