Duke kujtuar 30-vjetorin e eksodit të shqiptarëve, kryeministri Edi Rama nga Brindisi vuri theksin tek solidariteti që ka treguar Italia, ndërsa shtoi se dashuria ndaj tjetrit mund të sigurojë të ardhmen e përbashkët.
Ndërsa e konsideroi të jashtëzakonshme mikpritjen e Italisë, Rama kërkoi që të ndërtohet një muze për të përkujtuar historinë, zbarkimin e shqiptarëve 30 vite më parë në brigjet italiane.
“Kur ishim fëmijë, Italia ishte një emër i dashur për ne, sepse në atë kohë nuk shikonim dot asnjë televizion italian. Kjo është mikpritje e jashtëzakonshme. Ajo që ndodhi atë ditë, është edhe reagimi i komunitetit të Brindizit, është shembull njerëzimi për të gjithë, por edhe një shembull që duhet t’ju tregohet të gjithëve, se është dashuria drejt të tjerëve që siguron të ardhmen për fëmijët tanë. Një shembull që duhet t’u tregohet të gjithëve, sepse nuk është frika por është dashur për njëri-tjetrin. Ne duam që këtë datë ta kthejmë në një datën e 7 marsit të një vizite të detyrueshme të qeverisë shqiptare në Brindizi për t’i shprehur mirënjohjen e përjetshme dhe për të mos lënë që kjo histori të harrohet. Është një histori për fëmijët tuaj dhe tanë që do të jetojnë në Europën e përbashkët. Shpresoj që bashkia e Brindizit të na japë një hapësirë, të bëjmë një muze të vogël për historinë tonë, që ta shohin jo vetëm ato që banojnë në këtë qytet por shumë vizitore”, u shpreh Edi Rama.
