Edhe 26 të vdekur të tjerë nga COVID-19 në Kosovë

Kosova vazhdon të regjistrojë shifra të larta të viktimave dhe rasteve të reja me koronavirus brenda 24 orëve.

Ministria e Shëndetësisë raportoi se këtë të premte kanë humbur jetën 26 pacientë, ndërsa janë zbuluar pozitivë 1.448 persona.

Rastet e reja u zbuluan pas testimit të 12.558 qytetarëve. Sipas njoftimit, i lartë është edhe numri i të shëruarve në orët e fundit, plot 1.421.