Një 13-vjeçar ka humbur jetën në mënyrë tragjike në Australi. Mediat e huaja shkruajnë se të miturin Spencer Benbolt e kishte zënë gjumi brenda kazanit të mbeturinave, bashkë me dy shokët e tij.
Ai u shtyp nga kamioni që erdhi për të pastruar koshin. Një prej shokëve të tij arriti të shpëtonte, para se kamioni të merrte mbeturinat.
Ndërsa Benbolt dhe shoku tjetër, një 11-vjeçar, u futën bashkë me mbeturinat në pjesën e pasme të kamionit. 11-vjeçari arriti të shpëtonte pa lëndime, por Spencer Benbolt nuk pati të njëjtin fat. Nga informacionet paraprake, mësohet se djemtë nuk ishin të pastrehë.
