Një histori e çuditshme nga Skocia u publikua nga BBC, e cila na frymëzon të mos humbasim kurrë plotësisht shpresën për atë që e konsiderojmë të humbur.
Tridhjetë vjet më parë, u vodh çanta e një gruaje, tashmë 81-vjeçaren, e cila përmbante 240 paund. Kështu duket se pasi hajdutët i morën paratë, i hodhën në lumë në Aberdeen, qyteti ku jeton Hay, sepse së fundmi një 11-vjeçare, Maisie Coutts , teksa ecte përgjatë bregut me prindërit e saj, gjeti çantën me gjithçka kishte brenda, përveç parave, natyrisht.
Kur vajza e gjeti, çanta ishte qartazi e vjetëruar nga jashtë, por përsëri kishte monedha, stilolapsa, buzëkuq, vathë, një sërë çelësash dhe pilula të pronares të saj.
“Isha duke ecur me qenin tim dhe mamin e babin kur papritmas vura re se kishte një çantë ”, tha vajza për BBC. ” Unë them, mami, a do një çantë të re?” Pastaj mendova se ndoshta kishte diçka brenda. Kështu vendosëm ta hapnim dhe gjetëm një kartë krediti me një emër në të, ndaj u hutuam, pyetëm se kush ishte kjo grua dhe nëse ajo ishte ende gjallë.”
Nëna e saj vuri re se karta ishte e datës 1993, kështu që ajo supozoi se çanta duhet të kishte qenë në ujë për një kohë të gjatë.
Gjatë rrugës për në shtëpi, Maisie kërkoi emrin Audrey Hay në internet.
“ Unë postova në rrjetet sociale dhe më në fund arritëm të gjenim Audrey. Ajo konfirmoi se ishte çanta e saj, e vjedhur tridhjetë vjet më parë”
Pronarja e çantës tregoi nga ana e saj: “ Isha larguar nga zyra dhe kur u ktheva çanta ime nuk ishte më. Telefonova policinë dhe denoncova vjedhjen . Por nuk e prisja këtë. Është e mrekullueshme që çanta “mbijetoi”. Ajo është e vetmja që kam humbur ndonjëherë”, tha ajo./vizionplus.tv/
