Hekuran Cumani, një 23-vjeçar me origjinë italo-shqiptare, është vrarë me thikë në një nga parkingjet e Universitetit të Peruxhias, në orët e para të mëngjesit të sotëm. Sipas mediave italiane, prokuroria po e trajton ngjarjen si një vrasje, ndërsa dyshohet se krimi ka ndodhur pas një konflikti që ka degraduar në dhunë.
I riu u godit me thikë në gjoks, duke humbur jetën në vend. Kur shërbimet mjekësore mbërritën, ai ishte tashmë pa shenja jete.
Hetimet paraprake tregojnë se 23-vjeçari ishte përfshirë në një përleshje me disa persona, gjatë orëve të para të mëngjesit në një lokal pranë universitetit. Autorët e dyshuar janë ende në kërkim nga autoritetet.
Ngjarja ka tronditur komunitetin lokal. Kryetari i Bashkisë së Peruxhias, këshilli bashkiak dhe autoritetet vendore kanë shprehur ngushëllimet dhe dhimbjen e thellë për humbjen tragjike të të riut.
/vizionplus.tv
