Një ngjarje e rëndë ka ndodhur në Itali.
Një grua, me origjinë shqiptare ka gjetur vdekjen si pasoje e arrestit kardiak gjatë natës.
Gruaja ka qenë në banesë duke fjetur me vajzën e saj të mitur vetëm 4 vjeç.
Kjo e fundit, kur u zgjua në mëngjes e gjeti nënën në shtrat, duke e ruajtur për orë të tëra me mendimin se po flinte dhe nuk donte ta zgjonte.
Ansa, raporton se ka qenë tezja e vajzës, ajo e cila e shqetësuar se nuk po i përgjigjej motra në telefon ka shkuar në banesën e tyre në Vigevano, ku pa trupin e shtrirë në krevat dhe kuptoi se diçka e keqe kishte ndodhur.
Ajo e mori foshnjën në krahë dhe më pas ka telefonuar ambulancën dhe policinë. Ata nuk kanë gjetur asgjë që të sugjeronte vdekje të dhunshme. Trupi i është kthyer menjëherë familjes për varrimin e kremtuar dy ditë më parë.
Do të jetë tezja ajo që do të kujdeset për vogëlushen, e cila ka mbetur vetëm.
