Kryeministri i Shqipërisë Edi Rama ka zhvilluar sot një takim me të ngarkuarën me punë në Ambasadën Amerikane në Tiranë, Nancy Van Horn.
Përmes një postimi në rrjetet sociale nga Ambasada Amerikane në Tiranë thuhet se ky takim u zhvilluar për të përgëzuar miqësinë e fortë dhe vlerat e përbashkëta mes vendeve si Aleatë në NATO dhe partnerë strategjikë.
Ky është takimi i parë i diplomates amerikane me kryeministrin Eid Rama që kur ajo u emërua në detyrën e të ngarkuarës me punë të misionit amerikan në Tiranë.
“Sot, e Ngarkuara me Punë e SHBA Nancy VanHorn u takua me Kryeministrin Edi Rama për të përgëzuar miqësinë e fortë dhe vlerat e përbashkëta mes vendeve tona si Aleatë në NATO dhe partnerë strategjikë. Zonja VanHorn rikonfirmoi mbështetjen e palëkundur të qeverisë së Shteteve të Bashkuara në rolin që ka Shqipëria për të çuar përpara paqen dhe zhvillimin në të gjithë rajonin”, thuhet në postim. /vizionplus.tv
