Policia e Kurbinit zbuloi një laborator droge të ngritur në fshatin Fushë Gjormë. Efektivët vunë në pranga një 24-vjeçar dhe shpallën në kërkim një shtetas tjetër, 41 vjeç.
Në bashkëpunim me njëri-tjetrin, ata kishin përshtatur katin e dytë të një magazine të marrë me qira në një laborator droge. Gjatë kontrollit të ambientit u gjetën dhe u sekuestruan 205 bimë kanabisi të kultivuara në vazo.
Po ashtu, u gjet edhe një lidhje e paligjshme e energjisë elektrike, që shërbente për të furnizuar me energji llamba, aspiratorë, filtra ajrimi, etj., që ndihmonin në kultivimin dhe rritjen e bimëve narkotike.
Efektivët ushtruan një kontroll edhe në banesën e 24-vjeçarit të arrestuar, ku u gjet një pushkë dhe dylbi të montuar.
