Disa ditë më parë u bë virale shprehja e tij se “Nuk je shqiptar nëse ke frike nga Koronavirus”, sot Robert Berisha është detyruar te vendoset në Karantinë nga autoritetet e Kosovës pas shtimit të numrit të të prekurve me Covid-19.
Në një lidhje skype për emisionin “Vizioni i Pasdites” në Vizion Plus,nga Qendra e Studentëve në Prishtinë, aty ku është vendosur në Karantinë të detyruar, Berisha shpërtheu në akuza për kushtet skandaloze, teksa i emocionuar u shpreh se i mungon vajza, Rene.
“Jemi vendosur në dhomat e studentëve në Prishtinë.Kishim një koncert në Amerikë dhe kur u kthyem na izoluan në konviktet në Prishtinë.
Jemi në dhomat e studentëve ku flenë studentët. Nuk kemi me çfarë merremi, ndoshta nesër do na sjellin ndonjë tastierë për të kaluar kohën.Vajzën nuk e kam takuar, direkt nga aeroporti më kanë sjellë këtu. Vajzën doja ta takoja. Kushtet nuk janë të mira. Nuk është e drejtë t’u futemi në dhomë studentëve të cilët kanë rrobat ende këtu. Unë kam postuar “story”në Instagram të banjës me kushte jo të mira, por është keq! Ka edhe më keq në këtë situatë të jashtëzakonshme që ndodhemi .
Dua t’ju jap një mesazh atyre që po na ndjekin, kanë fat që janë pranë familjarëve të tyre dhe shpresoj që do ta kalojmë këtë situatë”,- ka përfunduar Roberti.
Robert Berisha kishte udhëtuar për një koncert në Amerikë të cilin nuk e anulonte dot.
