Ish-ministrja e Integrimit, Majlinda Bregu është fotografuar me maskë sigurie , në mënyrë për të parandaluar çdo kontakt të mundshëm me virusin e ri të rrezikshëm. Fotoja është shkrepur teksa Bregu fluturonte drej Berlinit.
“Drejt Berlinit me mas(k)a sigurie”, shkruan ish-ministrja.
Numri i viktimave nga koronavirusi ka shkuar në 213 persona, ndërsa numërohen rreth 9700 të infektuar në mbarë botën.
Së fundmi, Organizata Botërore e Shëndetit ka shpallur emergjencë globale, pasi shpërthimi i virusit të ri vijon të përhapet jashtë Kinës.
Majlinda Bregu mban postin e Sekretares së Përgjithshme të Këshillit të Bashkëpunimit Rajonal.