“E ardhmja e Shqipërisë është në BE”, Kos: Ju përgëzojmë për arritjet

 Kryeministri Edi Rama ndodhet këtë të martë në Luksemburg, ku Shqipëria pritet të mbyllë negociatat për Kapitullin e 20-të, “Ndërmarrjet dhe Politikat Industriale”.

 Komisionerja Europiane për Zgjerimin, Marta Kos, e cilësoi këtë një tjetër arritje për vendin, duke përgëzuar administratën shqiptare dhe theksuar se e ardhmja e Shqipërisë është në Bashkimin Europian.

Kos: Shqipëria është një nga kryesuesit e këtij progresi mbresëlënës, po mbyllim një kapitull tjetër negociues. Bizneset e vogla dhe të mesme janë shtylla kurrizore e ekonomisë shqiptare. Shqipëria po sjell politikat e saj industriale më afër BE. Këto janë thelbësore për të ndërtuar një ekonomi më të fortë. Dua të përgëzoj Shqipërinë për një tjetër arritje. Shqipëria i ka vënë ambicie për të mbyllur reformat deri në fund të 2027, ne e mbështesim këtë ambicie, por reformat duhet të vijojnë.