Ditën e sotme është vetëdorëzuar në policinë gjermane motra e boksierit shqiptar Besar Nimani, i cili u vra në 9 mars të vitit të kaluar.
Një javë më parë ndërsa po zhvillohej gjyqi ndaj njërit prej autorëve të dyshuar për vrasjene Besar Nimanit, pas seancës pati të shënta me armë ën afëri të gjykatës, ku mbetën të plagosur vëllai dhe babai i autorit të dyshuar.
Për atentatin para gjykatës policia nxorri disa urdhërarreste, mes tyre edhe për vëllain e Besarit, Berat Nimanin si dhe motrën e tyre.
Berat Nimani u arrestua pak ditë më parë, ndërsa mohoi të kishte lidhje me sulmin. Gjithashtu edhe motra e boksierit u vetëdorëzua ditën esotme por mohoi çdo akuzë në lidhje me atentatin prangë gjykatës në Bielefeld.
“Një grua 33-vjeçare nga Bielefeld, e kërkuar nga policia dhe prokuroria publike në bazë të një urdhër-arresti, është vetëdorëzuar në policinë e Bielefeldit mbrëmjen e 28 shkurtit 2025, e shoqëruar nga avokati i saj. Gruaja është motra e vëllait të ish-boksierit të vrarë. Përfshirja e saj e saktë në krim është ende nën hetim”, thuhet në deklaratën e policisë.
Besar Nimani, motra dhe i vëllai
Mediat gjermane raportuan se autorët e sulmit, ku mbetën të plagosur disa persona, mes të cilëve babai dhe vëllai i vrasësit të Besar Nimanit, ishin motra dhe vëllai i këtij të fundit.
Vëllai i boksierit Besar Nimani, Berati, ka mohuar çdo përfshirje në ngjarjen pranë gjykatës së Bielefeldit. Në një prononcim për gazetën gjermane “Bild”, ai theksoi se familja e tij ka jetuar në ankth të vazhdueshëm që nga marsi i vitit të kaluar, kur Besari u ekzekutua me 16 plumba.
Sipas policisë, ai është deklaruar i pafajshëm dhe tashmë është dërguar në qendrën e paraburgimit.
Gjithashtu, sipas dëshmive të disa personave në vendngjarje, dyshja janë parë duke u larguar me një makinë të zezë menjëherë pas ngjarjes.
