Autoritetet malazeze kanë arrestuar një 23-vjeçar, i cili dyshohet se është autor i vrasjes së Behar Sofisë.
Ngjarja e rëndë ndodhi në qendër të Tiranës, pak javë më parë, ku Sofia u ekzekutua me dy plumba, në qafë dhe shpatull. Mësohet se i riu ishte i veshur sportiv ditën e ngjarjes, teksa Sofia ishte duke ecur në këmbë. Pasi qëlloi Sofinë me armë zjarri, autori mori biçikletën që e kishte lënë poshtë Urës së Lanës dhe u largua për nga Liqeni i Tiranës.
Dyshohet se 23-vjeçari iku për në Mal të Zi nga pika e kalimit kufitar të Hanit të Hotit, një ditë pas krimit. Sot, autori iu dorëzua Policisë së Tiranës.
Sofia dyshohet të ishte pjesë e trafikut të heroinës nga Turqia.
