Dyndje turistësh te huaj në vendin tonë përmes pikave te kalimit kufitar në qarkun e Korccës. Vetëm në 21 ditët e para të këtij muaji kanë hyrë ne vendin tonë përmes pikës së kalimit kufitar të Qafë Thanës dhe Kapshticës plot 64667 shtetas të huaj.
Fluksin më të madh të hyrjeve në Shqipëri e ka pasur pika e kalimit kufitar të Qafë Thanës me 49.863 shtetas të huaj, ndërsa nga Kapshtica 14.804 shtetas.
Pjesa më e madhe e turistëve vijnë nga vendet e Europës Lindore me qëllim për të kaluar pushimet në vendin tonë.
Shtimi i fluksi të lëvizjeve ka sjellë edhe më shumë vëmendje nga autoritetet tona për këto dy pika kalimi kufitar.
Nga burime pranë Drejtorisë së Kufirit dhe Migracionit bëhet me dije se janë marrë të gjitha masat e nevojshme për të shmangur rradhët e gjata në pikat kufitare.
Për këtë arsye dogana e Qafë thanës po punon me 6 sportele ndërsa ajo në Kapshticë me 7 të tilla.
Po të njëjtat burime bënë me dije se vetëm në 24 orët e fundit përmes dy pikave kryesore të kalimit kufitar, kanë hyrë më shumë se 12 mijë shtetas shqiptarë dhe të huaj.
