Kreu i Këshillit të Emërimeve në Drejtësi, Ardian Dvorani, ka reaguar lidhur me padinë e presidentit Ilir Meta ndaj tij.
Në reagim ai shkruan se të paktën kreu I shtetit po e ushtron një të drejtë që ia njeh Kushtetuta dhe ligji atij dhe kujtëdo duke ironizuar kështu me deklaratat e Metës se do të padiste kreun e KED.
Në media po mësoj se zoti President, ka vendosur apo po mendohet në fundjavë e deri të hënën, që të bëjë kallzim penal ndaj meje”.Së paku vërej se, si çdo shtetas a funksionar tjetër, më në fund e në këtë rast, Presidenti po e ushtron një të drejtë që, gjithsesi, Kushtetuta dhe ligji ia njeh kujtdo”.
Megjithatë Dvorani thotë se nuk ka frikë të përballet me ligjin.
Edhe këtë detyrim duhet ta pranoj si kushdo tjetër, pa u justifikuar dhe pa u shmangur me lojra mediatike dhe procedurale përballjes me ligjin, një fenomen ky që jo pak herë ka ndodhur me njerëz të pushtetshëm në çdo kuptim të fjalës.Respektimi i barazisë para ligjit dhe zbatimi i tij i barabartë për të gjithë ishte nevoja dhe një nga sfidat më të mëdha për të cilën u miratua dhe po fillon të zbatohet hap pas hapi Reforma në Drejtësi.
