Policia e Durrësit, në zbatim të planit të masave për rritjen e parametrave të sigurisë ka shtuar kontrollet, në veçanti në afërsi të shkollave, nga ku ka arrestuar një person dhe proceduar në gjendje të lirë dy të tjerë.
Shtetasi i arrestuar është A. H., 43 vjeç, banues në Durrës. Ai u arrestua pasi u kap me një thike pa leje në lagjen nr 1 të Durrësit.
Ndërsa u proceduan në gjendje të lirë shtetasit R. N., 16 vjeç dhe shtetasi K. Gj., 28 vjeç, të dy banues në Durrës.
16 vjeçari u proceduia pasi gjatë kontrollit në ambientet e jashtme të një shkolle iu gjet dhe sekuestrua një thikë (biçak). Ndërsa 28 vjeçari u kap me pistoletë alarmuese (imituese).
Policia njofton se kontrollet do të vijojnë në të gjithë territorin e Qarkut Durrës.