Policia e Dubait ka vënë në shërbim të komunitetit një oficer robot i cili do të patrullojë në rrugët e populluara me automjetet sportive të tipit “Lamborghini” apo “Ferrari”.
Roboti doli mbrëmë në patrullë në Burj Khalifa, kulla më e lartë në botë që kulminon në 828 metra dhe tërhoqi menjëherë kuriozitetin e publikut.
I veshur si polic, roboti është i pajisur me një komjuter që shërben për të informuar policinë për krimet e mundshme apo për të dhënë informacione për shkeljet rrugore.
Roboti është i pajisur gjithashtu me një kamera që transmeton imazhet direkte në sallën operative të policisë.
