Këngëtarja me famë botërore, Dua Lipa, ka zgjedhur të festojë Pashkët në Shqipëri. Ylli i pop-it ka surprizuar ndjekësit me disa postime në rrjetet sociale, ku shfaqet duke pushuar në bregdetin e jugut, në shoqërinë e partnerit të saj, aktorit britanik Callum Turner.
Në disa prej fotove të publikuara, Dua shihet e buzëqeshur, e relaksuar dhe duke shijuar ditët me diell dhe detin shqiptar. Në njërën prej postimeve, ajo ka shkruar: “Pashkë në shtëpi!”, duke ndarë momente të veçanta me Turner, si dhe çaste personale në natyrë.
Lidhja e çiftit u konfirmua publikisht në fillim të këtij viti, dhe që atëherë, ata janë parë gjithnjë e më të afërt. Këngëtarja ka shprehur shpeshherë dashurinë e saj për aktorin, veçanërisht në ditëlindjen e tij, kur e cilësoi si “personin e saj të preferuar në botë.”
View this post on Instagram
