E enjte, 19 Nëntor 2026 Reklamo Kontakt Karriera
Vizion Plus
Breaking përditësuar 11 minuta më parë
Vendi

Drogë në berberhane dhe armë të ftohta në servis, arrestohet 44-vjeçari në Kuçovë, procedohet vëllai i tij

Një 44-vjeçar është arrestuar në Kuçovë, ndërsa vëllai i tij 40-vjeçar është proceduar penalisht, pasi në dy subjektet që administronin janë gjetur lëndë narkotike dhe armë të ftohta.

Në kuadër të kontrolleve për evidentimin dhe goditjen e veprimtarive kriminale, specialistët e Seksionit për Hetimin e Narkotikëve, në bashkëpunim me Forcën e Posaçme Operacionale, arrestuan shtetasin L. T., 44 vjeç, dhe nisën procedimin në gjendje të lirë për vëllanë e tij, F. T., 40 vjeç.

Gjatë kontrollit në berberhanen dhe banesën e 44-vjeçarit u gjetën sasi dhe doza të lëndës së dyshuar narkotike Cannabis Sativa, të cilat dyshohet se mbaheshin me qëllim shitjen, si dhe përforcues grushti.

Reklamë

Ndërkohë, në servisin e automjeteve në pronësi të vëllait të tij u sekuestruan dy mjete prerëse (thika).

Materialet procedurale i janë referuar Prokurorisë së Beratit për veprime të mëtejshme.

Vazhdo të lexosh

Reklamë

Lini një koment

Me respekt — komentet moderohen nga redaksia.
Nuk publikohet kurrë.