Pesë persona kanë rënë në prangat e policisë së Kurbinit dhe dy të tjerë janë shpallur në kërkim nën akuzën e kultivimit të bimëve narkotike.
Ndalimi I këtyre shtetasve është brë në sajë të operacionit të koduar “Godull 2019”, ku janë sekuestruar armë zjarri e municione luftarake, kubikë të porsa mbjellë me kanabis dhe lëndë narkotike kokainë.
Si rezultat i operacionit u arrestuan në flagrancë shtetasit me iniciale, B. Sh., 39 vjeç, K. K., 59 vjeç, K. Sh., 34 vjeç, Gj. N., 34 vjeç dhe V. Z., 41 vjeçe.
Gjithashtu u shpallën në kërkim dy persona që po punohet intensivisht për kapjen e tyre.
Gjatë operacionit në territor në Godull Adriatik, në Njësinë Administrative Fushë Kuqe në Kurbin, në cilësinë e provës materiale u sekuestruan 8000 kubikë ku ishin mbjellë fara kanabis sativa, 5 doza të dyshuara lëndë e fortë narkotike kokainë, 2 armë zjarri “pistoleta”, 1 armë zjarri automatik, 1 armë gjahu “shotgun” dhe 680 fishekë dylbi e thikë.
