Përfshirja e Rusisë në procesin zgjedhor të Shteteve të Bashkuara të Amerikës do të jetë kryefjala e dëshmisë së Drejtorit të FBI-së, James Comey, i cili raporton sot në Dhomën e Përfaqësuesve të Kongresit.
Në këtë raportim do të jetë edhe drejtori i Agjencisë Kombëtare të Sigurisë (NSA), Mike Rogers, shkruan REL.
Sikurse është bërë me dije administrata e presidentit amerikan, Donald Trump, është goditur nga raportet e inteligjencës për përzierjen e Rusisë në fushatën zgjedhore dhe për hetimet e raportuara të agjencisë FBI ndaj ndihmësve të Trumpit.
Më herët në Kongres ka mbërritur një rezolutë e cila cila ngrinte alarmin se të gjitha vendet të cilat zhvillojnë zgjedhje në vitin 2017, përfshi Shqipërinë, Francën e Gjermaninë do të jenë shënjestër e hakerave rus.
