Gjykata e Tiranës ka kaluar për gjykim të pandehurit e masakrës në zonën e ish-Bllokut, ku mbeti i vrarë një person dhe dy të tjerë u plagosen.
Biznesmeni Ervin Mata do të përballet me akuzën e kallëzimit të rremë. E njëjta akuzë rendon edhe ndaj Geldo Hotit, Ajaks Boshnjakut dhe Redi Popeskut, raporton Vizion Plus.
Ndërkohë Meviol Bilo, i cili plagosi Eljo Haton, është marrë i pandehur për plagosje në kushtet ekstreme të nevojës për t’u mbrojtur.
Ndersa për Fabian Gaxhën, i mbetur i vrarë, është pushuar çështja.
Ngjarja e rëndë ndodhi në zonën e ‘ish-Bllokut’ më 4 tetor 2018.