Një pjesë e komisionerëve të qendrave të votimit në Durrës ne zgjedhjet e vitit 2017 kanë dalë sot para gjykatës së Apelit për të njohur vendimin përfundimtar për mënyrën se si do të vazhdojë cështja e tyre, me shtrëngim të lirisë, apo masë më e butë, arrest shtëpie apo detyrim paraqitje.
Janë 21 persona që janë akuzuar nga prokuroria e Durrësit në kuadër të dosjes së famshme “339”, për të cilët gjykata e shkallës së parë vendosi 9 persona arrest me burg, 7 në arrest shtëpie, 3 detyrim paraqitje dhe 2 pushim të hetimeve.
Në seancën e zhvilluar sot në gjykatën e Apelit, vetëm 5 nga 9 personat që ishin ne arrest me burg e kanë ankimuar këtë masë, ndërsa 4 të tjerë nuk kishin bërë ankimim brenda afateve.
Burime nga kjo gjykatë kanë bërë të ditur se në përfundim të seancës, gjykata ka ndryshuar masën e sigurisë për 5 personat nga arrest me burg ne arrest shtëpie. Konkretisht janë Shpëtim Stafa, Alfred Marku, Emiljan Tuda, Ervis Biba dhe Indrit Bici që do të lënë qelitë e burgut duke qendruar në banesat e tyre.
Elidon Stafa, Mehdi Lala, Altin Lala dhe Redi Hysa do të vazhdojnë me masë sigurimi arrest me burg.
ARREST SHTËPIE (Shkalla e Parë)
Bashkim Allushi, Ramiz Tuda, Kujtim Uruçi, Qemal Domi, Agim Lala, Qazim Lala, Bujar Sula
DETYRIM PARAQITJE (Shkalla e Parë)
Zyhra Lala, Jakup Bregu, Oriada Lala
PUSHIM HETIMI
Kasem Lala dhe Basir Bregu