Të shumë janë personat të cilët duan të humbin kilogramët e tepërt.

 

Pesha dhe kaloritë janë kthyer në një makth për shumë prej nesh, duke na privuar nga kënaqësia e një vakti të këndshëm.

 

Do të vini re një ndryshim të menjëhershëm në peshën tuaj nëse së pari zvogëloni sheqerin. Por, nuk është domosdoshmërisht e vetmja lëvizje që do t’ju çojë në rezultatet e dëshiruara.

 

1 gram karbohidrate (sheqer) jep 4 kalori, ndërsa 1 gram yndyrë jep 9 kalori. Kështu, kufizimi i sheqerit (p.sh. pijet joalkoolike me sheqer, ëmbëlsirat, lëngjet e gatshme, sasia e madhe e sheqerit të shtuar në kafe) është padyshim një hap i dobishëm, por në të njëjtën kohë, është gjithashtu i nevojshëm kufizimi i ushqimeve me yndyrë (ushqimet e skuqura, gjalpë, salcice etj.).

 

Nëse keni parasysh që në shumë raste ushqimet që përmbajnë sheqer përmbajnë edhe yndyrë (p.sh., pasta, briosh, biskota), atëherë kupton se një qëllim (kufizimi i sheqerit) shpesh mbivendoset me tjetrin (kufizimi i yndyrës).

 

A duhet të shmang disa ushqime?

 

Një program i duhur për humbje peshe përmban të gjitha ushqimet. Por ka disa ushqime që duhen shmangur, kryesisht sepse konsiderohen të dëmshme për shëndetin. Pra, për të parë një rezultat të kënaqshëm, është mirë të mos konsumoni ushqime të pasura me yndyrë si petulla, byrekë, kroketa, salsiçe derri, ushqime me shumë sheqer si p.sh. si ëmbëlsirat, domethënë produkte që janë përpunuar dhe/ose përmbajnë shumë konservues si kripë dhe ngjyra.

 

Zgjedhja më e keqe është kjo

 

Për t’u siguruar që një dietë është e duhura për ju, ajo duhet të hartohet bazuar në peshën, moshën, gjininë, nivelet e aktivitetit fizik dhe metabolizmin tuaj bazë.Me fjalë të tjera, duhet të kontrolloni nëse dieta mbulon nevojat tuaja për proteina dhe kalori dhe nëse i përshtatet stilit tuaj të jetesës.

 

Në çdo rast shmangni një dietë që premton humbje spektakolare të peshës, siç është një dietë e rëndë ose është e shtrenjtë për t’u zbatuar, përmban ushqime që nuk ju pëlqejnë, ka ndalime strikte ose përjashton një grup të tërë ushqimesh (si niseshteja) është monotone ose kërkon që të jeni gjithmonë në kuzhinë!

 

Pse? Sepse do të hiqni dorë shpejt dhe edhe nëse i përmbaheni programit të saj dhe do të humbisni peshë, do ta rifitoni shpejt atë.

Leave a Reply

Your email address will not be published.