“Do i tregojmë edhe ne botës arsenalin tonë të armëve”. Ky ishte paralajmërimi i fortë i sekretarit të përgjithshëm të NATO-s Jens Stoltenberg.

Kremlini tha se këto komente përbëjnë një përshkallëzim të situatës.

Lexo edhe :

Related Posts

Stoltenberg tha më herët për gazetën The Telegraph se NATO është në bisedime për të zhvilluar më shumë armë bërthamore, duke i nxjerrë ato nga magazinimi dhe gati për t’u përballur me kërcënimin në rritje nga Rusia dhe Kina.

Zëdhënësi i Kremlinit Dmitry Peskov tha se komentet e Stoltenberg duket se kundërshtojnë komunikatën e përbashkët të Konferencës së Paqes në Ukrainë se çdo kërcënim ose përdorim i armëve bërthamore në kontekstin e luftës është i papranueshëm.

“Ky nuk është asgjë më shumë se një tjetër përshkallëzim i tensionit ,” tha Peskov duke komentuar deklaratat e Stoltenberg.

Rusia thotë se SHBA dhe aleatët e saj evropianë po e shtyjnë komunitetin ndërkombëtar në prag të konfrontimit bërthamor duke i dhënë Ukrainës miliarda dollarë armë, disa prej të cilave po përdoren kundër tokës ruse.

Rusia dhe SHBA janë fuqitë më të mëdha bërthamore në botë, duke zotëruar rreth 88% të arsenalit bërthamor të botës, sipas Federatës së Shkencëtarëve Amerikanë. SHBA ka rreth 100 armë bërthamore jostrategjike B61 të vendosura në pesë vende evropiane, Itali, Gjermani, Turqi, Belgjikë dhe Holandë, sipas Buletinit të Shkencëtarëve Atomik. SHBA ka edhe 100 të tilla brenda kufijve të saj.

Rusia ka rreth 1558 koka bërthamore jostrategjike, megjithëse ekspertët e çarmatimit bërthamor thonë se është shumë e vështirë të thuhet saktësisht se sa për shkak të fshehtësisë.

Lidhur me Konferencën e Paqes në Ukrainë të organizuar nga Zvicra, Peskov komentoi se ajo kishte rezultate të papërfillshme dhe tregoi se sa të kota janë bisedimet pa pjesëmarrjen e Rusisë.

“Rezultatet e konferencës janë pothuajse zero”, tha ai.

Rusia mbetet e hapur për dialog me të gjitha vendet që synojnë ta bëjnë këtë dhe do të vazhdojë të komunikojë qëndrimin e saj me ato vende, tha Peskov.

Javën e kaluar, presidenti Vladimir Putin tha se Rusia synonte t’i jepte fund luftës, por vendosi kushte për Ukrainën, të hiqte dorë nga ambiciet e saj të NATO-s dhe të tërhiqte trupat e saj nga katër rajone të pretenduara nga Rusia./vizionplus.tv

Leave a Reply

Your email address will not be published. Required fields are marked *