Mazhoranca socialiste do t’i japë edhe një mundësi Partisë Demokratike për t’u bërë pjesë e reformës territoriale, duke vendosur ta presë në komision deri të hënën.
Por mesa duket, PD nuk do ta shfrytëzojë këtë mundësi. Besart Xhaferri, deputet i Partisë Demokratike, i ftuar në “Quo Vadis” në Vizion Plus, nën moderimin e Pranvera Borakajt, tha se opozita nuk do të shkojë në Komision të hënën. Sipas tij, para se të kalojë reforma, ka nevojë për konsultime me ekspertë jo politikë. Të ftuar në studio ishin edhe anëtari i Këshillit Bashkiak Alfred Muharremi dhe përfaqëesuesja ligjore e PD-së, Eda Grimci.
Pjesë nga biseda në studio
Grimci: S’e kanë seriozisht…
Xhaferri: A ke vullnet politik ta bësh gjithëpërfshirëse apo ke vullnet që ‘unë kam votat dhe po të duash hajde’.
Borakaj: Ju pse nuk shkoni?
Xhaferri: Nëse është një reformë territoriale e vlefshme për qytetarët, patjetër.
Borakaj: Keni një projekt?
Xhaferri: Po e kemi pozpozuar, ia kemi propzuar PS dhe do t’ia propozojmë edhe publikut.
Muhameri: Po thuaje, ne nuk shkojmë sepse duam alibinë e radhës për humbjen e radhës. Këta duan alibinë e radhës sepse do humbin zgjedhjet dhe prandaj nuk shkojnë.
Grimci: Dhe ti kërkon alibinë e radhës se si do t’i vjedhësh zgjedhjet me reformë territoraile të njëanshme.
Xhaferri: Ne e kemi propozuar këtë më parë, janë diku te 94 bashki, duhet riparë sepse Shqipëria është shpopulluar, fshatrat janë shpopulluar. Kosova… duhet të mësojmë nga Kosova. Ka një menaxhim territorial fenomenal sepse nuk e kanë bërë për çështje elektorale ndarjen. Afati është korrik, nuk ka ngut për ta kaluar këtë reformë. Ne duam të bëjmë konsultime. Do flasim me “Lëvizjen Bashkë”, me “Mundësinë”, me ekspertë. Të vijnë ekspertët të dalë propozimi dhe të kalojë. Po te këtë vullnet që të ketë gjithë përfshirje, por nëse bëhen me kërcënim “që ne i kemi votat, po deshët hajdeni”, kështu nuk bëhet?
Borakaj: Pra të hënën nuk do shkoni?
Xhaferri: Patjetër që jo./vizionplus.tv
