Kreu i Grupit Parlamentar të PD, Enkelejd Alibeaj ka folur në tryezën për zgjedhjen e presidentit të ri që ka bërë sot bashkë maxhorancën dhe opozitën.

 

Alibeaj u shpreh se opozita mori pjesë në këtë proces, që pjesa tjetër e Kuvendit të mos shkojë në raundin e katërt dhe të pestë dhe të thotë që “meqë ata nuk erdhën po e zgjedhim vetë”.

 

“Kjo mbledhje diçka ka arritur. Fakti që e gjitha po bëhet në sy të publikut. Nuk ka më mirë se për një proces kaq të rëndësishëm ata që janë të interesuar duhet të dinë si zhvillohet ky proces. Mbi çfarë piketash. Mbi çfarë vlerash. Ai që do ulet në postin e presidentit, të jetë as i njërit, as i tjetrit por i te gjithë shqiptarëve. Presidenti duhet në çdo rast të ketë mbështetje konsesuale. Është kjo fryma, gërma e kushtetutës.

 

Madje dhe nevoja e rendit institucional të Kushtetutës. Mekanizmi zhbllokues nuk mund të shndërrohet në rregull. Është përjashtim vetëm atëherë kur opozita nuk do. Opozita mori pjesë që pjesa tjetër e Kuvendit të mos shkojë te raundi i katërt dhe i pestë dhe të këndojë që ata nuk erdhën dhe po e zgjedhim ne. Kjo është arsyeja pse kemi marrë pjesë në këtë proces. Është e nevojshme dhe madje e domosdoshme që presidenti të zgjidhet në këto tre raunde. Ka humbur totalisht sensi i ndarjes së pushteteve.

 

Do mjaftonte kjo që të mos kishte asnjë lloj diskutimi por vetëm të pranohej qëndrimi ynë. Ajo që sot konsiderohet maxhorancë nuk e ka legjitimitetin Tani është bërë e ditur. Të paktën 5 mandate dhe 2 të tjera që nuk e frekuentojnë më këtë seli kanë treguar që nuk keni legjitimitetin real të shqiptarëve për të zgjedhur presidentin qoftë edhe me shumicë të thjeshtë”, u shpreh Alibeaj.

Leave a Reply

Your email address will not be published.