Këtë të martë në Real Story, Enkelejd Alibeaj është shprehur se vendimi për diegien e mandateve ishte e vetmja mënyrë për të sfiduar këtë pushtet krimi.

 

Alibeaj ndër të tjera ka theksuar se ky vendim nga opozita nuk është bërë për të rritur kuotat, por e kuptuam se me Edi Ramën kryeministër nuk mund të kishim proces zgjedhor.

 

“Nuk jemi nisur se do të digjnim mandatet dhe nuk do të merrnim pjesë në zgjedhje për të rritur kuota tona. Por jo vetëm nga 16 shkurti kur morëm aktin që ishte i padëgjuar më parë, por për të gjithë historinë që nga 2017 e këndej kur ne  u bindëm dhe jo vetë ne u bindëm se proces zgjedhor me këtë që kemi kryeministër sot nuk bëhet. Kur e kuptuam këtë fakt se sado të rritesh në elektorat dhe me programe të ndryshme,ky njeri o ti blen zgjedhjet, o të shantazhon  o me të gjithë administratën. Ne e morëm këtë akt pasi sistemi nuk ishte i vlefshëm. Nga 16 shkurti e deri më sot besoj se asnjë nuk është më konfuz që nuk e ka të qartë se çfarë lloj shteti është i instaluar sot. Institucionalisht zero, nuk filloi me 16 nisma jonë, por që në 2017 që ne përdorëm të gjithë mjetete klasike parlamentare me iniciativa të ndryshëm për të kontrolluar ministrat, kryeministrin përmes komisioneve hetimore, e gjithë kjo ishte një trajektore intensive. Diskutimi për djegien e mandateve ka qenë kur është emëruar kryeprokurorja e përgjithshme, iku ajo, iku Gjykata Kushtetuese, ranë gjykatat të gjitha me radhë, opozita pati rrezikun të shndërrohej në një alibi, dhe ishte një detyrim sepse opozita nuk mund ta mbante me paterica pushtetin. Ajo që ka ndodhur në këto 5 muaj me diegie mandatesh dhe me protestat e ndryshme apo me veprimet e tjera. Sot shqiptarët janë të trishtuar. Nëse kostoja jonë ishte për të sakrifikuar perden e fasadës ku jemi sot atëherë ja ka vlejtur.”

 

Ndër të tjera anëtari i kryesisë së PD-së ka thënë se pushteti ka refuzuar çdo kërkesë të bërë nga vetë opozita, në asnjë moment që nga 2017 e deri me marrjen e vendimit për të dalë jashtë asaj godine nuk ka pasur bashkëpunim politik.

 

“Pas 2017 ngritëm komisionin e reformës paraqitëm teza tona dhe kishim zero reflektim nga pushteti sepse nuk i interesonte kjo histori. Ata i kanë hedhur poshtë kërkesa tona, jo vetëm që kemi punuar në komision ajo që duhej të ishte sinqeriteti politik, dhet të ishte klima e bashkëpunimit që ishte pranimi i fajit. e keni parë se që nga 2017 deri më tani ka pas vetëm përqeshje, tallje injorim të opozitës. Në kushtet kur na hoqën çdo lloj të drejte ne nuk kishim pse të qëndronin më në një godinë të të tillë.”

Leave a Reply

Your email address will not be published. Required fields are marked *