Donald Trump nuk është “i kënaqur” me emërimin e Mojtaba Khameneit nga Irani si udhëheqësi i ri suprem, sipas Fox News.
Fox News thotë se foli me presidentin pas njoftimit, i cili i tha: “Nuk jam i lumtur”.
Trump ende nuk ka komentuar publikisht.
Më herët President ii SHBA tha se vendimi për momentin se kur do të përfundojë lufta me Iranin do të merret në koordinim me kryeministrin izraelit, Benjamin Netanyahu.
Në një intervistë të shkurtër telefonike për The Times of Israel, Trump theksoi se vendimi nuk do të jetë vetëm i tij, por do të vijë pas konsultimeve me udhëheqjen izraelite.
“Mendoj se është një vendim i përbashkët… deri diku. Kemi qenë duke biseduar. Unë do ta marr vendimin në momentin e duhur, por gjithçka do të merret në konsideratë,” u shpreh presidenti amerikan.
I pyetur nëse Izraeli mund të vazhdojë luftën edhe pasi SHBA të vendosë të ndalojë sulmet e saj, Trump shmangu një përgjigje të drejtpërdrejtë, duke theksuar se nuk beson se një skenar i tillë do të jetë i nevojshëm.
