Presidenti i SHBA-së, Donald Trump i ka hequr ish-sekretarit të Shtetit, Antony Blinken të drejtën për të pasur akses në informacionet e klasifikuara.
Sipas New York Post, Trump tha: Djalë i keq. Hiqjani lejen.
Më herët, Trump i hoqi aksesin ish-Presidentit Joe Biden, prokurores së përgjithshme të Nju Jorkut Letitia James dhe Prokurorit të Qarkut të Manhatanit, Alvin Bragg.
Demokratët e tjerë të shënjestruar nga Trump përfshijnë ish-këshilltarin e Sigurisë Kombëtare, Jake Sullivan dhe Zëvendës Prokuroren e Përgjithshme, Lisa Monaco, të cilët punuan në përgjigjen e Departamentit të Drejtësisë ndaj sulmit ndaj Kongresit më 6 janar 2021.
Trump vuri në dukje se Biden “krijoi këtë precedent” në vitin 2021 kur ai udhëzoi Komunitetin e Inteligjencës që të ndalonte ish-presidentin e atëhershëm Trump, nga aksesi në detaje mbi sigurinë kombëtare.
Menjëherë pas marrjes së detyrës në vitin 2021, Biden tha se nuk besonte se Trump duhet të kishte akses në informimet e inteligjencës për shkak të “sjelljes së tij të çrregullt” dhe shqetësimeve se ai mund të zbulonte informacione të ndjeshme për të tjerët./vizionplus.tv
