Dita Ndërkombëtarë e Paqes/ Mesazhi i Ramës: Shqipëria gjithmonë kontribuuese në misionet paqeruajtëse në botë

Kryeministri Edi Rama ka shkruar një mesazh në faqene tij, në rrjetin social “Facebook” në Ditën Ndërkombëtare e Paqes.

Ai shprehet se si një vend anëtar i NATO-s, Shqipëria ka kontribuuar dhe do të vazhdojë të japë kontributin e saj në misione paqeruajtëse anembanë globit, në rritjen e bashkëpunimit, sigurisë e tolerancës.

“Dita Ndërkombëtare e Paqes. Si një vend anëtar në NATO, Shqipëria ka kontribuar dhe do të vazhdojë të japë kontributin e saj në misione paqeruajtëse anembanë globit, në rritjen e bashkëpunimit, sigurisë e tolerancës. Kjo ditë na rikujton se ka më shumë gjëra që na bashkojnë sesa ato që mund të na ndajnë”, shkruan Rama.