Sot, më 14 nëntor, shënohet Dita Botërore e Diabetit, një ditë që synon të rrisë ndërgjegjësimin për këtë sëmundje kronike që prek miliona njerëz në mbarë botën. Organizatat shëndetësore kujtojnë rëndësinë e parandalimit përmes ushqyerjes së shëndetshme, aktivitetit fizik dhe kontrollit të rregullt të nivelit të sheqerit në gjak. Në shumë vende, përfshirë Shqipërinë, zhvillohen aktivitete informuese dhe ofrohen matje falas për qytetarët.
Kryeministri Edi Rama në një postim në rrjetet sociale thekson rëndësinë e kontrolleve të rregullta shëndetësore dhe kujdesit për vetëshëndetin.
“Në Ditën Botërore të Diabetit, mjekët bëjnë thirrje për kryerjen e kontrolleve të rregullta shëndetësore.
Me buxhetin 2026 për shëndetësinë mbështetet depistimi falas në programin e kontrollit bazë, si dhe ofrimi i fishave për matjen e glukozës për grupet në nevojë, ndërsa po punohet për përmirësimin e listës së barnave të rimbursueshme “, shkruan Kryeministri.
/vizionplus.tv
