Tre banesa janë djegur mëngjesin e kësaj të mërkure në fshatin Pendavinj të Maliqit, dy prej të cilave janë shkrumbuar plotësisht.
Zjarri dyshohet të jetë shkaktuar nga një shkëndijë elektrike në njërën prej banesave dhe më pas është përhapur edhe në dy të tjerat ngjitur.
Ilia Malaveci, njëri nga pjesëtarët e familjeve të prekura tregon se për shkak të përmasave që mori zjarri, ishte e pamundur të ndërhyhej me mjete rrethanore. Ai tashmë kërkon mbështetje nga institucionet lokale, pasi ka ngelur në mes të katër rrugëve
ILIA MALAVECI
BANOR
Në mëngjes dola te shihja se me tha gruaja që ka rënë zjarr. Shkuam menjëherë të ndihmonim komshinjtë se ata janë te moshuar. Por deri sa i nxorëm u dogj çdo gjë, presim ndihma nga bashkia.
Kryetari i bashkisë së Maliqit Gëzim Topçiu i ka siguruar banorët për mbështetje për strehimin e tyre.
GËZIM TOPCIU
KRYETARI I BASHKISË SË MALIQIT
Shumë shpejt do të diskutojmë në mbledhjen e këshillit bashkiak për këtë gjë që të akordojmë edhe ndihmat për familjet e prekura
Nga djegia e tri shtëpive 15 banorë kanë mbetur pa strehim.